Postapki i_proceduri Gradezni dozvoli 

Соопштенија

Закажан состанок на Советодавната група граѓани на Општина Делчево

Печати PDF

Категорија-Тековни соопштенија

Во рамките на проектот „Соработка помеѓу полицијата и локалното население “ имплементиран од страна на ОБСЕ -  Мисијата во Скопје, преку Одделението за соработка со полицијата и локалното население, кој се имплементира на територијата на Република Македонија на 21.03.2017 година (Вторник) во 13.00 часот во салата за состаноци во новата зграда на Полициската Станица во Делчево, советодавната група на граѓани на Општина Делчево ќе одржи состанок со следниот дневен ред

Дневен ред

 

1.  13:00 часот – 14:00 часот  - Превенција од Пожари на отворен простор

Досега превземени превентивни мерки и активности како и мерки кои се планираат во престојниот период.

  • Кирчо Анастасов – ЕЛС Делчево
  • Јонче Атанасовски – ТППЕ Делчево
  • Милчо Станојковски – РЦ за ГР Исток
  • Марко Петровски – ЈПШС Голак Делчево
  • Драган Балас – РЦУК Делчево
  • Тони Начевски, Ванчо Велиновски  - МЗШВ
  • Сузана Велкова – ДЗС
  • Претставник од РЦ за ГР Исток
  • Виолета Илиевска – ПСОН Делчево

2.14:00 часот – 14:15 часот

Проект – Вози мотор биди безбеден

  • Васев Звонко – ПСОН Делчево
  • Ангел Митревски – ПСОН Делчево

Одлука за избор за унапредување по Интерен оглас бр.03/2016 од 27.09.2016 година

Печати PDF

Категорија-Тековни соопштенија

Врз основа на член 50 став 1 точка 16 од Законот за локалната самоуправа(Службен Весник на Република Македонија бр.5/2002),член 52 став 1 од Законот за административните службеници (Службен Весник на Република Македонија бр.27/2014,199/2014,48/15,154/15,5/16 и 142/16), Градоначалникот на Општина Делчево донесе 

Одлука за избор за унапредување

по Интерен оглас бр.03/2016 од 27.09.2016 година

 

1.За извршител на работите на работното место Помлад соработник-Внатрешен ревизор на обука,во Одделението за внатрешна ревизија при Општина Делчево се избира:

1. Катерија Трајановска.

2.Именуваната ќе биде унапредена на работно место по претходниот став,по завршување на постапката за избор и конечноста на оваа одлука,врз основа на Решение за унапредување донесено од Градоначалникот.

3.Оваа одлука влегува во сила со денот на донесувањето.

 

Образложение

Комисијата за селекција и унапредување на административен службеник за пополнување на работното место Помлад соработник-Внатрешен ревизор на обука,формирана со Решение од Градоначалникот на Општина Делчево бр.08-2232/6 од 04.10.2016 година,одржа состанок заради спроведување на интервју.

Во функција на спроведување на постапката за селекција за унапредување на административен службеник за извршување на работните задачи од став 1 на ова Одлука,а по објавениот Интерен оглас за унапредување на административен службеник бр.03/2016 од 27.09.2016 година,Комисијата за унапредување и селекција изготви Записник од административна селекција за интерен оглас со број 08-2232/9 од 06.10.2016 година,Записник од работа на Комисијата за селекција за унапредување на административен службеник заради спроведување на интервју со број 08-2232/10 од 06.10.2016 година и финална ранг листа на интервјуираните кандидати и предлог одлука за избор на прво рангираниот кандидат со број 08-2232/11 од 06.10.2016 година ги достави до Градоначалникот на општината.

Врз основа на изнесеното, Градоначалникот на општина делчево одлучи како во дизспозитивот на ова Одлука.

По завршување на постапката за избор односно конечноста на Одлуката, Градоначалникот ќе донесе Решение за унапредување на именуваната.

 

УПАТСТВО ЗА ПРАВНО СРЕДСТВО:

Против ова Одлука незадоволниот кандидат има право да поднесе жалба до Агенцијата за администрација на РМ во рок од осум(8) дена од денот на објавувањето на Одлуката на интернет страницата на општината.

 

 

ОПШТИНА ДЕЛЧЕВО
Градоначалник
Дарко Шехтански

Доставено до:
-Архива;
-Одделение за управување со човечки ресурси;
-Агенција за администрација ;
-Именуваната; 

Соопштение

Печати PDF

Категорија-Тековни соопштенија

alt

Општина Делчево им соопштува на граѓаните на општина Делчево дека на ден 19.09.2016 година (понеделник) со почеток во 13,00 часот, во салата на Спомен дом АСНОМ ќе се одржи ЈАВНА РАСПРАВА за неопходноста за довршување на проектите:

a) Основен проект за реконструкција на дел од улица “Маршал Тито” во Делчево;
b) Основен проект за реконструкција на улица “Орце Николов” и улица “Скопска” во Делчево;
c) Основен проект за реконструкција на ул. “Кеј на Брегалница” во Делчево;
d) Основен проект за реконструкција на улица “Вера Јоциќ” во Делчево;
e) Основен проект, СРЦ-Делчево Улици, Дел за “Улица бр. 7” во Делчево.

ОПШТИНА ДЕЛЧЕВО
ГРАДОНАЧАЛНИК
Дарко Шехтански

Извештај за стратегиска оцена на животната средина за ДУП за УЕ 2, дел од урбан блок 2.1 - кожара, КО Делчево

Печати PDF

Категорија-Тековни соопштенија

Врз основа на барање на мислење доставено од страна на Општина Делчево до Министерство за животна средина и просторно планирање - Сектор за просторно планирање под бр.15-3303/1 од 03.05.2016 година поврзано со носење на планска документација ДУП за урбана единица 2 , дел од урбан блок 2.1- Кожара, Општина Делчево, доставено е известување дека Стратегиската оцена за влијание врз животната средина се прифаќа од страна на министерството за животна средина и просторно планирање.

С О О П Ш Т Е Н И Е за спроведување на јавна презентација и јавна анкета по Нацрт - Детален урбанистички план (ДУП) за Урбана единица 1, дел од урбан блок 2.1 – Кожара

Печати PDF

Категорија-Минати соопштенија

Врз основа на член 24 точка 2 од Законот за просторно и урбанистчко планирање ( Сл. Весник бр. 51/05 ) и Законот за изменување и дополнување на Законот за просторно и урбанистчко планирање ( Сл. Весник бр. 137/07; 91/09; 124/10; 18/11,53/11 и 144/12 )  Градоначалникот на Општина Делчево го донесува следното 

С О О П Ш Т Е Н И Е

за спроведување на јавна презентација и јавна анкета

по Нацрт - Детален урбанистички план (ДУП) за Урбана единица 1, дел од урбан блок 2.1 – Кожара

 

            Се спроведува јавна презентација и јавна анкета  по Нацрт - Детален урбанистички план (ДУП) за Урбана единица 1, дел од урбан блок 2.1 – Кожара за минимално потребен опфат од 3,0358 ха   

Овој локалитет е дефиниран со следните граници:

            -  Југозападно граничи со осовина на река Брегалница

            -  Северозапад со улица Собирна Новопланирана – 1

            -  Североисток граничи со Сервисна улица

            -  Југоисточно со КП.бр.6018; КП.бр.6022; КП.бр.6023; КП.бр.6042; КП.бр.6042/1

Јавната презентација ке се одржи на ден 25.05.2016г во просториите на Спомен дом ,АСНОМ,, ( сала на совет) со почеток во 12 часот и почетокот на јавната презентација воедно ке претставува и почеток на јавна анкета. Јавната анкета ке трае 10 работни дена , сметано од денот на одржување на јавната презентација. Нацрт - Детален урбанистички план (ДУП) за Урбана единица 1, дел од урбан блок 2.1 – Кожара  ке биде изложен во просториите на Општина Делчево  и  аптека ,, Твоја аптека,,  во Делчево и на Интернет страната на Општина Делчево.

Заинтерисираните граѓани и  правни лица можат да учествуваат на јавната презентација а во времетраење на анкетата на анкетни листови ке можат да ги дадат своите забелешки и предлози на анкетните листови до Одделението за урбанизам, уредување на и одржување на градежно земјиште и заштита на животна средина при општина Делчево. Соопштението за организирање на јавна презентација и јавна анкета ке бидат објавени во две јавни гласила  и на Интернет страната на Општина Делчево .

dup kozhara

,


ОПШТИНА ДЕЛЧЕВО
Градоначалник,
Дарко Шехтански 

ОГЛАС ЗА ОДОБРУВАЊЕ НА ВОЗНИ РЕДОВИ ЗА НОВИ ЛИНИИ И ЗА ПРОМЕНА НА ОДОБРЕНИ ЛИНИИ ЗА ВРШЕЊЕ НА ОПШТИНСКИ ЛИНИСКИ ПРЕВОЗ НА ПАТНИЦИ НА ПОДРАЧЈЕТО НА ОПШТИНА ДЕЛЧЕВО

Печати PDF

Категорија-Тековни соопштенија

Врз основа на членовите 18,19 и 20 од Законот за превоз во патниот сообраќај (Службен весник на Република Македонија број 68/2004, 127/06, 114/09, 83/10, 140/10, 17/11, 53/11, 06/12, 23/13, 120/13, 163/13, 187/13, 42/14, 112/14, 166/14, 97/15, 124/15, 129/15, 193/15 и 37/2016) и член 3, 4, 5, 6 и 7 од Одлуката за уредување на превозот во патниот сообраќај на подрачјето на општина Делчево број 07-296/1 од 02.02.2012 година и член 1 од Одлуката за изменување и дополнување на Одлуката за уредување на превозот во патниот сообраќај на подрачјето на општина Делчево број 07-2328/1 од 27.09.2012 година, Општина Делчево распишува оглас за доделување линии за вршење на линиски општински превоз на патници на подрачјето на општина Делчево на следните релации:

 

  • ЛИНИЈА БР.1: ДЕЛЧЕВО-с.ГАБРОВО
  • ЛИНИЈА БР.2: ДЕЛЧЕВО-с.ЗВЕГОР
  • ЛИНИЈА БР.3: ДЕЛЧЕВО-с.СТАМЕР
  • ЛИНИЈА БР.4: ДЕЛЧЕВО-с.ГРАД
  • ЛИНИЈА БР.5: ДЕЛЧЕВО-с.ВИРЧЕ
  • ЛИНИЈА БР.6: ДЕЛЧЕВО-с.ТРАБОТИВИШТЕ
  • ЛИНИЈА БР.7: ДЕЛЧЕВО-с.СТАР ИСТЕВНИК-с.НОВ ИСТЕВНИК
  • ЛИНИЈА БР.8: ДЕЛЧЕВО-с.РАЗЛОВЦИ
  • ЛИНИЈА БР.9: ДЕЛЧЕВО-ГОЛАК (сабота и недела)
  • ЛИНИЈА БР.10: ДЕЛЧЕВО-с.БИГЛА-с.ИЛИОВО-с.ТУРИЈА
  • ЛИНИЈА БР.11: ДЕЛЧЕВО-с.ОЧИПАЛА-с.ДРАМЧЕ
  • ЛИНИЈА БР.12: ДЕЛЧЕВО-с.ВЕТРЕН-с.КИСЕЛИЦА
  • ЛИНИЈА БР.13: ДЕЛЧЕВО-ГРАНИЧЕН ПРЕМИН „ДЕЛЧЕВО“


Целиот оглас можете да го прегледате на следната интернет врска тука

Покана за учество во проектот „Соседска патрола“

Печати PDF

Категорија-Тековни соопштенија

На 17.10.2015 година (сабота), Полициската станица од општа надлежност Делчево ќе го реализира проектот „Соседска патрола“. Во рамки на проектот ќе бидат вклучени заинтересирани граѓани кои заедно со полицијата ќе патролираат во урбана заедница „Втори реон“, со цел поголема сигурност и безбедност на граѓаните на населеното место и безбедносниот реон.

Сите граѓани кои се заинтересирани да земат учество во реализацијата на проектот, да дојдат во салата за состаноци во ПС од Он Делчево на ден 17.10.2015 година (сабота) каде што подетално ќе бидат информирани околу активностите кои ќе се превземат за отпочнуање и реализација на проектот.

Јавен повик за доставување на иницијативи за изработка на Урбанистички планови

Печати PDF

Категорија-Тековни соопштенија

Врз основа на член 21 од Законот за просторно и урбанистичко планирање (Службен весник на РМ бр.199/2014, 42/2015, 44/2015), Градоначалникот на Општина Делчево го донесува следното:

 СООПШТЕНИЕ
Се известуваат граѓаните и правните лица на територијата на Општина Делчево, дека се распишува:
Јавен повик за доставување на иницијативи за изработка на Урбанистички планови

Јавниот повик се распишува согласно на член 21 од Законот за просторно и урбанистичко планирање (Службен весник на РМ бр.199/2014, 42/2015, 44/2015), во третиот квартал од 2015год.

  • Во период од 31 ден, сите заинтересирани физички и правни лица треба да достават иницијативи за изработка на Урбанистички планови од членот 7 од Законот за Просторно и Урбанистичко планирање.
  • Предмет на иницијативите може да биде донесување на нов Урбанистички план или изменување и дополнување на постоечки Урбанистички план или Урбанистичко-планска документација со конкретен предлог од подносителот на иницијативата.
  • Јавниот повик ќе трае 31 ден, сметано од објавата во дневното гласило “Нова Македонија”.
  • Јавниот повик ќе биде објавен на интернет страната на Општина Делчево, www. delcevo.gov.mk, на огласна табла во општината, во информацискиот систем е-урбанизам и преку објава во службеното гласило на општината.
  • Заинтересираните правни и физички лица иницијативите да ги достават во писмена форма преку архивата на Секторот за урбанизам и заштита на животната средина при Општина Делчево или во електронска форма преку информацискиот систем е-урбанизам во определениот рок
  • За сите прифатени иницијативи подносителите ќе бидат информирани во писмена форма или во електронска форма преку информацискиот систем е-урбанизам во рок од 15 дена од истекот на рокот за поднесување на иницијативи.
  • Прифатените иницијативи од Јавниот повик ќе бидат вградени во Програмата за изработка на урбанистички планови на територијата на Општина Делчево за 2015год.
  • Средствата за прифатените иницијативи за изготвување на потребната документација треба да ги обезбедат подносителите на иницијативите – правни или физички лица.

006 resize

СООПШТЕНИЕ ЗА ЈАВНОСТА - Презакажана театарската претстава „Парче Душа“

Печати PDF

Категорија-Тековни соопштенија

Почитувани,

Театарската претстава Парче Душа која беше планирана да се реализира денеска 24.07.2015 година (ПЕТОК) се презакажува за ден 29.07.2015 година среда во 20.00 часот во спомен домот на АСНОМ во Делчево.

Театарската претстава е дел од „ ТОПОЛ КУЛТУРЕН БРАН“ 2015 година  и истата се реализира во соработка и со финансиска поддршка на Министерството за култура на Р.Македонија.

С О О П Ш Т Е Н И Е за спроведување на јавна презентација и јавна анкета по Нацрт - Детален урбанистички план за урбана единица 2, дел од блок 2, 2 измена и дополна -период 2013-2018 Општина Делчево

Печати PDF

Категорија-Тековни соопштенија

 

Врз основа на член 24 точка 2 од Законот за просторно и урбанистчко планирање ( Сл. Весник бр. 51/05 ) и Законот за изменување и дополнување на Законот за просторно и урбанистчко планирање ( Сл. Весник бр. 137/07;24/08. 91/09; 124/10; 18/11, 53/11,60/11,144/12,55/13 ,163/13 и 42/14)  Градоначалникот на Општина Делчево го донесува следното

 

С О О П Ш Т Е Н И Е
за спроведување на јавна презентација и јавна анкета
по Нацрт - Детален урбанистички план за урбана единица 2, дел од блок 2, 7
 измена и дополна -период    2015-2020  Општина Делчево

 

            Се спроведува јавна презентација и јавна анкета  по Нацрт - Детален урбанистички план за   централно градско подрачје УЕ 2 дел од блок 2,7 измена и дополна 2015-2020 на град Делчево со вкупен урбан опфат од 2.16 ха

Овој локалитет е дефиниран со следните граници:

  • Од североисточна страна граничи со осовината на регулиран водотек на река„Брегалница“ - на југоисточна страна оди по осовината новопланираниот водотек на канал „2“       
  • на југозападната страна оди пооските на собирната улуца „Маршал Тито“ и сервисна улица „Солунска“
  • На северозападна страна оди по надворешната северозападна страна на К.П.бр.7561/1,па се спушта по оската на собирната улица„Методи Митевски Брицо“,се до појдовната точка на опфатот  

            Јавната презентација ке се одржи на ден 18.06.2015 г во просториите на Спомен дом ,АСНОМ,, ( сала на совет) со почеток во 12 часот и почетокот на јавната презентација вооедно ке претставува и почеток на јавна анкета.
Јавната анкета ке трае 10 работни дена , сметано од денот на одржување на јавната презентација

            Нацрт - Детален урбанистички план за урбана единица 2, дел од блок 2, 7  измена и дополна -период    2015-2020  Општина Делчево ке биде изложен во просториите на Општина Делчево  и  аптека ,, Твоја аптека,,  во Делчево и на Интернет страната на Општина Делчево.

            Заинтерисираните граѓани и  правни лица можат да учествуваат на јавната презентација а во времетраење на анкетата на анкетни листови ке можат да ги дадат своите забелешки и предлози на анкетните листови до Одделението за урбанизам, уредување на и одржување на градежно земјиште и заштита на животна средина при општина Делчево

Соопштението за организирање на јавна презентација и јавна анкета ке бидат објавени во две јавни гласила  и на Интернет страната на Општина Делчево .

NACRT SINTEZEN_resize

Soopshtenie resize

Проект за отворени денови за социјална заштита во руралните средини- 2015 година

Печати PDF

Категорија-Тековни соопштенија

Министерството за труд и социјална политика преку ЈУ Меѓуопштински центар за социјална работа Делчево во соработка со Општина Делчево започна активности за спроведување на Проект за отворени денови за социјална заштита во руралните средини.

Успешната реализација на проектот е резултат на координираната соработка помеѓу носителите на проектот и обезбедениот директен контакт со жителите заради ефикасен начин на информирање на граѓаните за решавање на нивните социјални проблеми. 

По тој повод Ве информираме дека во СРЕДА (05.05.2015) со цел да се обезбеди информирање за правата и услугите од социјална заштита ќе се реализираат средби со мештаните од селата Разловци и Тработивиште во следниот редослед:

с.Разловци - 10 часот, Спомен дом на Разловечкото востание;
с.Тработивиште - 11 часот, во подрачното општинско училиште „Св. Климент Охридски“.

Ги покануваме сите заинтересирани граѓани да присуствуваат и да бидат дел од овој проект преку кој директно ќе се овозможи рано откривање и ран третман на граѓаните изложени на социјален ризик, како и поголема достапност на социјалната работа и социјалните услуги во локалната заедница.

ООУ Ванчо Прке ги објави програмите за ученичките ексукрзии за 3, 6 и 9-то одделение

Печати PDF

Категорија-Минати соопштенија

Ученичките екскурзии се посебен облик на воспитно-образовна  работа што се изведува надвор од учелиштето со цел да се реализираат конкретни цели од наставните програми. Ученичките екскурзии имаат воспитно-образовен и забавно-рекреативен карактер.

Со изведување на  екскурзиите се интегрираат обработените наставни содражини кои се поврзани со наставниот предмет запознавање на околината, македонски јазик, математика, ликовно образование, музичко образование, физичко и здраствено образование и дава можност за набљудување, споредување, заклучување, истражување, примање и давање на информации и идеи од сите видови, без оглед на гледиштата и сфаќањата за сеопфатностана знаења за нештата.

ООУ „Ванчо Прке“ Делчево за таа цел ги објавува Програмите за екскурзија на учениците од третто, шето и деветто одделение:

 

Известување од Центарот за јавно здравје – Кочани

Печати PDF

Категорија-Минати соопштенија

Од Центарот за јавно здравје – Кочани информираат дека по извршените анализи на земените примероци од водите за пиење во Општина Делчево добиени се следните резултати:

Хемиски и бактериолошки неисправни се водата од
- Селскиот водовод и чешмата кај џамијата во с. Град,
- Чешма во с.Стамер,
- Селскиот водовод во с.Разловци,
- Чешма лоцирана кај пустевски ендек.
За овие извори на вода се препорачува водата да се користи како техничка, а за пиење истата да се преврие или да се користи исклучиво флаширана вода.


Исто така според добиените резултати од земените примероци од лабараториските наоди од Центарот за јавно здравје – Кочани, хемиски и бактериолошки исправни се водите од:
- Градски водовод Делчево,
- Градски водовод Македонска Каменица,
- Чешма кај џамијата во с.Вирче,
- Селскиот водовод во с.Габрово,
- Селскиот водовод во с.Звегор,
- Чешмата кај Фротирка,
- Чешма кај Манастирски комплекс „Св.Богородица Балаклија“
- Чешма во с.Габрово,
- Чешма кај Белчанци
ЈЗУ „Гоце Делчев“ и подрачната единица на Центарот за јавно здравје Кочани и во наредниот период перманентно ќе земаат примероци од изворите на води за пиење во Општина Делчево и за добиените резултати благовремено ќе ја информираат јавноста. Од страна на Општина Делчево и ЈПКД „Брегалница“ се превземаат интензини мерки за санирање на неисправните селски водоводи.

ЈАВЕН ПОВИК за поднесување програми и проекти за реализација во 2015 година

Печати PDF

Категорија-Минати соопштенија

Врз основа на член 50 од Законот за локална самоуправа (Сл.весник на Р.Македонија бр.5/02) и член 2 од Статутот на Општина Делчево , Градоначалникот на Општина Делчево објавува: 

ЈАВЕН ПОВИК
за поднесување програми и проекти за реализација во 2015

Градоначалникот на Општина Делчево ги повикува сите организации и поединци од областа на спортот, културата, невладините организации, здруженија на граѓани и фондации да достават програми за предвидени проекти во 2015 година со финансиски параметри кои би им биле потребни за реализација на истите.

Финансиските параметри се потребни за рамковно проектирање на Буџетот на Општина Делчево за 2015 година во горенаведените области и натамошна подршка во реализацијата на избраните проекти за финансирање во 2015 г.
Критериуми кои организациите и поединците треба да ги исполнат се: 

  • Да достават спецификација за обезбедени финансиски средства(сопствени средства,спонзори и сл);
  • Да достават спецификација за потребни финансиски средства од буџетот на Општина Делчево;
  • Сите проекти да бидат реализирани на територијата на општина Делчево.

Сите сите организации и поединци од областа на спортот, културата, невладините организации, здруженија на граѓани и фондации кои користеле финансиски средства од Буџетот на Општина Делчево во 2014 да достават извештај најдоцна до 30.12.2014 година.

Документацијата да се достави во просториите на Општина Делчево (писарница) или по пошта до ОПШТИНА ДЕЛЧЕВО, адреса ул.„Светозар Марковиќ“ бр.1 2320 Делчево, најдоцна 8 дена од објавувањето на web страната на Општина Делчево  www.delcevo.gov.mk

ОПШТИНА ДЕЛЧЕВО
Градоначалник
Дарко Шехтански 


Objava NVO

Продолжуваат активностите за спроведување на Проект за отворени денови за социјална заштита во руралните средини

Печати PDF

Категорија-Минати соопштенија

Министерството за труд и социјална политика преку ЈУ Меѓуопштински центар за социјална работа во соработка со Општина Делчево започна активности за спроведување на Проект за отворени денови за социјална заштита во руралните средини.

Успешната реализација на проектот е резултат на координираната соработка помеѓу носителите на проектот и обезбедениот директен контакт со жителите заради ефикасен начин на информирање на граѓаните за решавање на нивните социјални проблеми. 

По тој повод Ве информираме дека во СРЕДА (29.10.2014) со цел да се обезбеди информирање за правата и услугите од социјална заштита ќе се реализираат средби со мештаните од селата Габрово, Град и Вирче во следниот редослед:

с.Габрово - 13 часот, во подрачното општинско училиште „Ванчо Прке“;
с.Град - 14 часот, во подрачното општинско училиште „Св. Климент Охридски“;
с.Вирче - 15часот, во подрачното општинско училиште „Св. Климент Охридски“.

Ги покануваме сите заинтересирани граѓани да присуствуваат и да бидат дел од овој проект преку кој директно ќе се овозможи рано откривање и ран третман на граѓаните изложени на социјален ризик, како и поголема достапност на социјалната работа и социјалните услуги во локалната заедница.

Јавен повик за пријавување на такси возачи вработени во правни лица лиценцирани за такси дејност од Општина Делчево за посетување на обука за изучување на англиски јазик

Печати PDF

Категорија-Минати соопштенија

Министерството за транспорт и врски и Заедницата на единиците на локалната самоуправа објавуваат

 ЈАВЕН ПОВИК
за пријавување на такси возачи вработени во правни лица лиценцирани за такси дејност од општините во Република Македонија за посетување на обука за изучување на англиски јазик

 1. ПРЕДМЕТ НА ЈАВНИОТ ПОВИК

1.1.  Предмет на јавниот повик е пријавување на такси возачи вработени во правни лица лиценцирани за такси дејност од општините во Република Македонија, за посетување на обука за изучување на англиски јазик. Овој повик не се однесува на такси возачи вработени во правни лица лиценцирани да вршат такси дејност во Градот Скопје.
1.2. Обукатаза изучувањенаанглискијазикопфаќапосетувањенапредавањекоеќе говршатпрофесорипоАнглискијазик.
1.3. Обукатаќесодржи 80 часовиодносно 40 блокчасови.
1.4. Трошоците за обука за изучување на англиски јазик ќе се обезбедуваат од Буџетот на општините.

2.ПРАВО НА УЧЕСТВО НА ЈАВНИОТ ПОВИК
2.1. Право на учество на јавниот повик имаат сите такси возачи вработени во правни лица лиценцирани за такси дејност од општините во Република Македонија и кои ги исполнуваат следниве услови :
- да не се постари од 62години
- да се вработени  како такси возачи.
2.2. Пријавените кандидати ќе бидат известени за периодот, местото и условите за одржување на обуката за изучување на англиски јазик.

3.НАЧИН И РОК НА ПОДНЕСУВАЊЕ НА ПРИЈАВА
3.1. Лицата од точка 2 поднесуваателектронска пријавана следната маил адреса:  Оваа е-пошта е заштитена од spambots, треба да вклучите JavaScript за да ја видите
3.2. Електронската пријава е достапна на интернет страниците www.mtc.gov.mkи www.zels.org.mk или на следниот линк ТУКА

Кон пријавата се доставува следнава документација:
- копија од лична карта во скенирана форма
- копија од М1/М2 образец за лицето што се пријавува во скенирана форма
- задолжителнo да се наведе општината во која што врши дејност такси возачот

3.3. Пријавите можe да се достават во рок од 45 дена од денот на објавувањето на јавниот повик.

Согласно потребата од назначување на лица за комуникација со граѓани кои што имаат одреден вид и степен на попреченост Општина Делчево назначи лица за контакт

Печати PDF

Категорија-Минати соопштенија

Согласно Шеснаесеттата седница на Владата на Република Македонија одржана на 21.08.2014 година на која Владата ја разгледа Информацијата за потребата од назначување на лица за комуникација со граѓани кои што имаат одреден вид и степен на попреченост, а со цел укажување на помош.

Општина Делчево како лица за контакт ги назначува:

  1. Винко Ангеловски
  2. Душко Чапевски

За информации од било како вид можете да се обратите на тел. 033/411-550 или на e-mail: Оваа е-пошта е заштитена од spambots, треба да вклучите JavaScript за да ја видите

Закажан состанок на Советодавната група граѓани на Општина Делчево

Печати PDF

Категорија-Минати соопштенија

Во рамки на проектот „Соработка помеѓу полицијата и локалното население“ имплементиран од страна на ОБСЕ - Мисијата во Скопје, преку Одделението за соработка со полицијата и локалното население, кој се имплементира на територијата на Република Македонија на 08.07.2014 година (вторник) во 14:00 часот во салата за состаноци во новата зграда на Полициската Станица во Делчево, Советодавната група граѓани на Општина Делчево ќе оддржи состанок со следниот:

Дневен ред

  1. 14:00 - 14:40 часот - Превенција од пожари на отворен простор Досега превземени превентивни мерки и активности кои се планираат во престојниот период
  • Виолета Илиевска - ПС Делчево
  • Милчо Станојоковски - РЦ за ГР Исток
  • Марко Петровски - ЈПШС Голак Делчево
  • Љубен Ефтимов - РУЦК Делчево
  • Ванчо Велинов - МЗШВ

    2. 14:40 - 15:10 часот - Забрана за риболов на реката Брегалница, Закон за рибарство и аквакултура

  • Инспектор Тони Начевски
  • СРД Брегалница - Тони Стоименовски

Претседател на СГГ
Кире Цоневски

Виш Инспектор за превенција
Виолета Илиевска

Соопштение за првата теристичка (од земја) аеросолна дезинсекција против комарци со УЛВ метода за 2014 година

Печати PDF

Категорија-Минати соопштенија

СООПШТЕНИЕ

Општина Делчево ги известува своите граѓани дека на ден 12.06.2014 година (Четврток) во период од 04:00 часот – 07.00 часот наутро согласно Програмата за превентивни мерки за заштита на здравјето на населението 2014 година ќе се изврши првата теристичка (од земја) аеросолна дезинсекција против комарци со УЛВ метода од страна на ЈЗУ“Центар за јавно здравје“ Скопје.

Им се препорачува на граѓаните кои поседуваат пчелни семејства да си превземат соодветни мерки за заштита. 

                                                                                                ОПШТИНА ДЕЛЧЕВО
                                                                                                  Градоначалник
                                                                                                   Дарко Шехтански 

СООПШТЕНИЕ за ЈАВНА РАСПРАВА

Печати PDF

Категорија-Минати соопштенија

СООПШТЕНИЕ

Општина Делчево им соопштува на  граѓаните  на општина Делчево дека на ден 23.05.2014 година (петок) со почеток во 13 часот, во салата на Спомен дом АСНОМ ќе се одржи ЈАВНА РАСПРАВА за неопходноста за довршување на проектот „Подобар живот за децата од пограничниот регион“

СООПШТЕНИЕ за ЈАВНА РАСПРАВА

Печати PDF

Категорија-Минати соопштенија

 

СООПШТЕНИЕ

Општина Делчево им соопштува на  граѓаните  на општина Делчево дека на ден 19.05.2014 година (понеделник) со почеток во 13 часот, во салата на Спомен дом АСНОМ ќе се одржи ЈАВНА РАСПРАВА по основен проект: „Реконструкција на постоечки кров и доградба на детска градинка „ Весели Цветови„ Делчево . На јавната расправа претставници на општина Делчево ќе вршат  опишување на  проектот и  објаснување на условите за негово финансирање.

 

ОПШТИНА   ДЕЛЧЕВО
Градоначалник
Дарко  Шехтански

Последни актуелни информации

Објавено на 17 Август 2017, 10.51 од Д.Чапевски
2017-08-17-09-56-34 Врз основа на член 35 став 3 од Законот за просторно и урбанистичко планирање (Сл.Весник на РМ бр. 199/2014, 44/2015,193/15, 31/16,163/16),член 50 точка 4 од Законот за локална самоуправа ("Сл.весник на...
Објавено на 27 Јули 2017, 13.53 од Д.Чапевски
----50------ Ве известуваме дека 50 седница на Советот на Општина Делчево која првично беше закажана за 12.05.2017 година, ќе се одржи на 28.07.2017 година (петок) во фоајето на Спомен домот АСНОМ, со почеток во...
Објавено на 21 Јули 2017, 10.39 од Д.Чапевски
10- Матурантите кои на 19.07.2017 година заминаа на заслуженото наградно патување кое го добија како награда од Општина Делчево за постигнатите успеси во рамки на нивното четиригодишно образование во...
Објавено на 20 Јули 2017, 14.53 од Д.Чапевски
2017-07-21-07-02-08 На барање на жителите од УЗ Милково Брдо, поточно жители на ул. Пере Тошев се пристапи кон партерно уредување на јавна површина во овој дел од градот. Уредена е јавна површина со изградба на три пешачки...
Објавено на 19 Јули 2017, 06.37 од Д.Чапевски
2017-07-18-13-51-04 Во раните утрински часови, денес 19.07.2017 година десетте најдобри ученици од IV година за учебната 2016/2017 заминаа на заслуженото наградно  патување низ неколку европски дестинации. Наградното...
Објавено на 17 Јули 2017, 14.24 од Д.Чапевски
-19072017 Општина Делчево ги известува граѓаните дека ноќта на 18 јули спрема 19 јули 2017 година, со почеток во 24:00 часот , стручни екипи од ЈЗУ,,Центар за јавно здравје,, Скопје ќе извршат теристичка(од...
Објавено на 14 Јули 2017, 08.44 од Д.Чапевски
2017-07-14-07-51-51 Врз основа на членовите 18,19 и 20 од Законот за превоз во патниот сообраќај (Службен весник на Република Македонија број 68/2004, 127/06, 114/09, 83/10, 140/10, 17/11, 53/11, 06/12, 23/13, 120/13,...
Објавено на 12 Јули 2017, 14.55 од Д.Чапевски
2017-07-12-14-03-41 рз основа на член 23 од Законот за јавните претпријатија(Службен Весник на Република Македонија бр.38/96......39/2016),член 19-а од Законот за именување и дополнување на Законот за јавните претпријатија...
Објавено на 08 Јули 2017, 18.55 од Д.Чапевски
2017-07-10-11-06-23  Денес (Сабота 08.07.2017 година) започнавме со асфалтирање на локален пат во село Драмче. Оваа завршна фаза за реконструкцијата на оваа значајна локална сообраќајница следува по започнатата...
Објавено на 07 Јули 2017, 11.20 од Д.Чапевски
2017-07-10-10-29-56 Како што најавивме пред неколку дена, еве денес (07.07.2017год.) се дојде и до финалната фаза од реконструкцијата на ул. Кеј на Брегалница. Во тек се градежни активности за поставување на нов...
Објавено на 05 Јули 2017, 08.32 од Д.Чапевски
-022017-23062017-            Врз основа на член 50 став 1 точка 16 од Законот за локалната самоуправа(Службен Весник на Република Македонија бр.5/2002),член 52  став 1 од Законот за...
Објавено на 04 Јули 2017, 14.39 од Д.Чапевски
2017-07-06-09-43-03 Поради изразито лошата состојба на ул. Кеј на Брегалница, на барање на жителите кои гравитираат во овој дел од градот се започна со реконструкција на оваа улица. Изминатите неколку денови се работеше на...
Објавено на 19 Јуни 2017, 13.16 од Д.Чапевски
-012017-07062017- Врз основа на член 50 став 1 точка 16 од Законот за локалната самоуправа(Службен Весник на Република Македонија бр.5/2002),член 52  став 1 од Законот за административните службеници (Службен Весник...
Објавено на 09 Јуни 2017, 00.00 од Д.Чапевски
2017-06-22-13-39-39  По реконструкцијата со нов асфалт во должина од околу 240 метри на крак од улица М.М. Брицо кој се протега помеѓу старото собрание на Општина Делчево и ЈЗУ Здравствен дом "Гоце Делчев" Делчево...
Објавено на 08 Јуни 2017, 13.00 од Д.Чапевски
2017-06-08-12-09-10  Националната установа за народни игри и песни ансамбл “Танец” во рамки на годишата програма за културни настани и учество на културни манифестации вчера, 07.06.2017 година настапи на летната сцена...
Објавено на 05 Јуни 2017, 14.29 од Д.Чапевски
------2016 Во рамки на програмата општинско – корисна работа 2016 која се имплементираше од страна на Општина Делчево во соработка со АВРМ и МТСП финансиски подржана од УНДП во период од септември 2016 до март...
Објавено на 05 Јуни 2017, 11.36 од Д.Чапевски
-e- Министерството за животна средина и просторно планирање ја известува заинтересираната јавност дека во рамките на ИПА проектот: “Изработка на проектни студии (Студија за изводливост, Оцена на влијание...
Објавено на 24 Мај 2017, 11.32 од Д.Чапевски
2017-05-25-10-47-15  Денес , 24.05.2017 година,  Делчево го празнува својот патрон празник- Денот на сесловенските просветители светите браќа Кирил и Методиј. Настанот за одбележување на патрониот празник...
Објавено на 19 Мај 2017, 20.37 од Д.Чапевски
-20162017------- 19.05.2017 година, матурантите од четврта година при СОУ „М.М. Брицо“ со целодневна забава и дружење ја прославија својата матура, а воедно и влегувањето во светот на возрасните. Целодневната прослава...
Објавено на 19 Мај 2017, 00.00 од Д.Чапевски
-20-   Во петок (19.05.2017 година) во просториите на ТППЕ Делчево се одржа пригодна прослава по повод  „Светскиот ден на пожарникарите“. И годинава  на предлог на командирот на ТППЕ Делчево...

Посетеност

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterДенес488
mod_vvisit_counterВчера605
mod_vvisit_counterОваа недела1093
mod_vvisit_counterПретходна недела6320
mod_vvisit_counterОвој месец18330
mod_vvisit_counterПретходен месец37200
mod_vvisit_counterВкупно1645236

Присутни online: 10
Ваша IP: 54.166.153.192
,
Денес: Авг 22, 2017

Интерактивни мапи

Плански региони во Р.М.