Поставен камен-темелникот на манастирскиот комплекс „Св. Пантелејмон“ на Голак

Ниво на корисникот: / 0
НајлошоНајдобро 

Актуелно - Актуелности

Понеделник, 04 Јуни 2018 08:35

Во присуство на Неговото Високо Преосвештенство Митрополитот Брегалнички г. Иларион, на планината Голак, покрај стариот манастир, беше поставен и осветен камен- темелникот на новиот храм „Св.Пантелејмон“. Ктитор на овој нов верски објект е делчевецот Мите Стојковски кој со семејството живее во Скопје. На поставувањето на камен -темелникот присуствуваа министерот за земјоделие Љупчо Николовски, првите луѓе на општините Делчево и Виница, Горан Трајковски и Ивица Димитров, претставници на Собранието на РМ, носители на јавни функции, како и голем број поканети гости.

Според проектот, станува збор за манасторски комплекс во кој ќе има конаци, крстилница, камбанарија и други пропратни објекти. Објектот ќе се гради по стар стил од камен.

Митрополитетот Брегалнички Иларион истакна дека ова ќе биде еден од највелелепните верски објекти во регионот.

-Посакуваме здравје на нашиот ктирот и неговото смејство. Тој сака да остави белег во овој крај, на оваа височина и божја убавина, храм за потребите на сите верници каде ќе се слоави името на Бога. Ова ќе е еден од најубавите и велелепните, каде ќе се собираме и за богослужби и за крштевки и венчавки, а искачувајќи се на овие височини ќе го славиме Бога, истакна владиката Иларион.

Ктиторот Мите Стојковски рече дека ова била негова идеја одамна, а сега со поддршка на владиката Иларион таа идеја, конечно, се реализира.

-Овој верски објект е моја стара идеја и благодарени на владиката ќе можам да ја реализирам. Објектот ќе пресрасне во манастирски комплсекс и верувам дека ќе привлекиува многу туристи, добронамерници.Ќе се гради по стар начин на градење со камења и очекувам манастирот да биде готов за  две до три години, а целиот комплекс 7-8 години, истакна Стојковски.