Се санира оштетената урбана опрема во Делчево

Ниво на корисникот: / 0
НајлошоНајдобро 

Актуелно - Актуелности

Среда, 07 Август 2019 11:25

Екипи на ЈПКД „Брегалница“ од Делчево ги уредуваат јавните површини и работат на санација на оштетената урбана опрема во градскиот парк во пресрет на централните настани од „Делчевско лето“. Се санираат оштетените клупи и кантите за ѓубре, а се уредува и просторот околу летната сцена, каде се планирани локации за услужна дејност и трговија. Во рамките на акцијата се санираа и оштетените мрежи на тениското игралиште кои беа искинати, а дел и тргнати од тениското игралиште од несовесни граѓани.

Бидејќи, урбаната опрема во Делчево е постојано цел на несовесни граѓани, Општина Делчево повторно апелира до граѓаните за поголема свест и почит кон општинската опрема со цел да се избегнат дополнителни трошоци, но во пресрет на настаните кога се очекуваат илјадници гости од регионот и од соседна Бугарија, потребно е да оставиме впечаток на добри домаќини. Исто така, Општина Делчево потсетува дека со совесно однесување се избегнуваат и казните предвидени согласно со законските одредби.

Инаку, денеска екипи на ЈПКД „Брегалница“ извршија и чистење речното корито на река Брегалница од дивоизраснати дрва и други растенија во делот кај гумената брана со што се превенира неконтролирано излевање на реката од речното корито.