Postapki i_proceduri Gradezni dozvoli 

Природни ресурси

Постанок на областа и геолошки состав на територијата на општина Делчево

Печати PDF

Потеклото на Пијанец е тектонско. Според геоморфолошките испитувања на Б.Ж Милоевиќ, Цвиииќ и други научници уште во Палеоген котлината Пијанец претставувала посебна долина одвоена од Кочанската и Малешевската. Растроените, превртени и набрани палеогенски седименти укажуваат

дека во Предплиоценот настанеле силни тектонски движења, односно, спуштање на теренот меѓу овие котлини и како резултат на тоа се создал горниот тек на долината Брегалница. Во Плиоценот, Пијанечката Котлина била езеро поврзана со Малешевското езеро, со две притоки, едната источно од ридот Бејас Тепе по која сега тече реката Желевица, втората западно од тој рид која подоцна повеке се продлабочила и по неа тече реката Брегалница.

Пијанечкото езеро било поврзано и со Кочанското Езеро, Ќустендилското и Благоевградското Езеро. Врските со последните две езера се прекинале со издигањето на гребенот на источната страна, додека утоката во Кочанското Езеро се продлабочила и во неа истекла водата, а тоа долниот тек на реката Брегалница. По истекувањето на езерото со флувијална ерозија и денудација се формирале денешните релјефни форми на Пијанец.

Геолошкиот состав на Пијанечката Котлина е хетероген. Пониските делови на котлината се Палеогени и Плиоцени наслаги. Тоа се претежно песочници, глиници, варовници и конгломерати што лежат преку стари еруптивни карпи и кристални шкрилци. Грербените околу котлината главно се составени ок кристалести шкрилци и еруптивни карпи особено Гранит.

Најнискиот дел, Алувијалната рамнина, настанала од наносите на река Брегалница и нејзините притоки. Тоа е најплодното земјиште.

Природни ресурси

Печати PDF
Клима
Климата во општина Делчево е источноевропска со модифициран плувиометарски режим. Според метеоролошките податоци во Делчево просечната годишна температура на воздухот изнесува 10,7°С со апсолутен минимум од -26,7°С и апсолутен максимум до 37°С, додека на планините просечната годишна температура паѓа до 3,5°С. Најтопол месец е август со просечна температура 21,6°С, додека најстудени месеци е јануари со просечна температура 0,1°С
Облачноста и магливоста не е голема, така што во годината доминираат сончеви и ведри денови. Просечниот број на врнежливи денови во текот на годината изнесува 71, просечна годишна количина на врнежи од 548 mm. Врнежите иако се релативно ниски, нивниот распоред во вегетациониот период (април - септември) е поволен и изнесува над 50% од вкупните годишни врнежи.
Вегетациониот период со температура над 10°С трае 191 ден во текот на годината.
 
Релјеф и почва
Релјефот во општина Делчево е сложен и е создаден од тектонски движења и е застапен со 4 релјефни форми кои се разликуваат по старост, надморска височина, геолошки состав, хидролошки услови, вегетација и различни почви. Претежно е ридско - планински, а низинските делови се главно распространети по течението на река Брегалница.Река Брегалница
Релјефот во општината е со следната структура: Низински 600 – 750 метри (по текот на река Брегалница и долните теченија на нејзините притоки), Ридско - планински 750 – 900 метри (источниот и североисточниот дел на општината) и Планински над 900 метри (западно од река Брегалница, планините Обозна и Голак).
Според педолошката карта, во реонот на општина Делчево се издвојуваат 12 посебни почвени типови. Како доминантни се утврдени ригосол, ранкери, кафеави шумски почви, циметно шумски почви и лесивирани.
Врз основа на агропроизводните способности, почвите се групирани во 7 бонитетни класи, од алувијалните, смолниците, делувијалните и лесивираните.
Направена е тест сондажа на почвата на сите поголеми и позначајни локалитети во општина Делчево за испитување на нивната киселост и базичност (длабочина од 0-30 cm и од 30-60 cm).
 
Хидрографија
Главна водена артерија на општина Делчево е реката Брегалница, која е и најголема притока на реката Вардар. Десни притоки на реката Брегалница се: Желевица, Даштица, Репница, Граштица, Ѕвегорска Река и Габровчица. Леви притоки се: Лошана, Петрашевец и Чифличка река. Вкупнатa површина на сливот на река Брегалница изнесува 742,5 km2, со просечна надморска височина на сливот 1000 m. Средногодишниот проток на профилот кај Разловци изнесува 6,3 m3/s. Вкупниот годишен просечен проток на Брегалница на профилот “Калиманци” изнесува 264 000 000 m3. 
Значаен потенцијален хидрографски објект во општината е брана Лошана, со зафатнина од 1 400 000 m3 вода, кај селото Разловци која е во завршна фаза и од оваа година ќе започне нејзиното полнење. Оваа акумулација главно ќе се користи за комплетно решавање на проблемот на водоснабдување во општина Делчево, а дел и за наводнување на Делчевското поле (300 ha).
Друг значаен изграден хидрографски објект во општината претставува акумулација Петрашевец со зафатнина од 180 000 m3 вода, која се користи за наводнување на обработливите површини низводно од Браната.
 
Минерални ресурси
На територијата на општина Делчево утврдени се значајни наоѓалишта на металични, неметалични и енергетски минерални суровини, како значаен потенцијал за развојот на општината.
• Наоѓалишта на јаглен, лоцирани во Делчевско – Пехчевскиот басен, со вкупна површина од околу 100 km2, трети по значење во Република Македонија. Вкупните резерви се утврдени на околу 46 000 000 t јаглен.
• Во коритото на река Брегалница има околу 90 000 000 m3 златоносен алувион од песок и чакал. Се претпоставува присуство на 13,5 –36 t злато.
• Природно печената глина, со утврдени резерви над 10 милиони тони, а со значајна комерцијална вредност се и гранитите, варовниците и диабазите.
• Геотермалната енергија – при испитувањата на лежиштето на јаглен “Стамер – Ѕвегор”, утврден е среден геотермален градиент од 6,5°C/100 m, што укажува дека зголемувањето на температурата во насока на длабочина е побрзо од вообичаеното.
 
Флора и фауна
Шумите во општина Делчево зафаќаат површина од 27.899 хектари или 48% од вкупната територија на општината. Во структурата на шумите најзастапени е дабовата шума, потоа боровата и на крајот со најмал процент е застапена буковата шума. Шумите се богати со разни лековити билки, шумски плодови и растенија.

Во шумските предели се среќава богат растителен и животински свет, а особено внимание треба да се посвети на загрозените видови: дивата свиња, срната, дивиот зајак, црниот орел, еребицата и бувот.
Во однос на сопственоста: 49% од шумите во општина Делчево се приватни, а 51% државни.
Шумите во општина Делчево се дефицитарни со дрвна маса,т.е. потребите за одревно дрво на домаќинствата се поголеми од утврдениот годишен сечив етат.
 
Земјоделство
Земјоделското земјиште зафаќа 46% од вкупната површина на општина Делчево. Според својата географско-топографска положба, поволни климатско-почвени услови, расположливи пасишта и ливади, општината располага со предуслови за развој на овоштарството и сточарството.

Земјоделско земјиште 10,089 ha
Пасишта 3,408 ha
Вкупно 13.497 ha
 
Обработливо земјоделско земјиште (приватна сопственост): ораници и бавчи 8,679 ha, овоштарници 626 ha, лозја 8 ha, ливади 782 ha или вкупно 10.095 ha
Обработливо земјоделско земјиште (државна сопственост) 683 ha.

Структура на сеидбени површини
1. Полјоделски култури: житни култури 5.450 ha, индустриски култури 200 ha, градинарски култури 900 ha, фуражни култури 540 ha или вкупно 7.090 ha
2. Овоштарски култури (број на стебла): јаболка 24.975, круши 15.870, дуњи 640, сливи 82.700, праски 955, ореви 2,562 броја.

Извор: ПЕ на МЗШВ, Делчево

Природни вредности и реткости
На територијата на општина Делчево во категоријата на заштитени шуми спаѓаат:
• 7 ha кај с. Тработивиште
• 25 ha над с. Ѕвегор
• 50 ha над с. Разловци
• 160 ha покрај река Брегалница

Планината Голак според Законот за заштита на природни реткости (“Сл. весник на СРМ“ 43/76) и група критериуми е под посебна заштита како предел со посебни природни карактеристики (12.500 ha), со издвоена и заштитена парк - шума “Гоце Делчев”.
Споменици на природата кои сведочат за процесите кои се одвивале во различни геолошки периоди:
• Локалитет Илин Камен кај с. Звегор
• Локалитет Кукуљето кај с. Нов Истевник
• Локалитет Кукуљето кај с. Тработивиште

Состојба на животната средина во општина Делчево

Печати PDF

Животната средина во општина Делчево во основа се карактеризира со сочуваност,  природност и еколошка рамнотежа. Општината се наоѓа далеку од индустриски загадените региони на Повардарието, а со тоа и од главните емитери на штетни материи во екосистемите . Благата континентална  клима,  пространите шуми, чистите планински потоци, демографската неоптовареност и релативно нискиот интензитет на сообраќај,  го чинат регионот како здрава животна средина. Во општината има и предел од категорија на подрачја со посебни карактеристики, кој е заштитен со Законот за заштита на природните реткости (планината  Голак) .

Загадувањето на животната средина најмногу е од антропогено потекло од урбаната средина, каде има најголема коцентрација на население и индустриски капацитети.  Најизразените еколошки проблеми произлегуваат од нееколошкото управување со цврстиот комунален отпад во градот и руралните средини,  додека  водите на Брегалница се загадуваат со непричистените комунални и индустриски отпадни води, како и со испирните води од земјоделските површини. Со релативно мали инвенстициони вложувања,  локалните еколошки проблеми можат да се разрешат во иднина.

Последни актуелни информации

Објавено на 19 Јули 2019, 12.30 од Д.Чапевски
ambasadorka   Увид во функционирањето на медицинската опрема обезбедена од Јапонската амбасада денеска направи амбасадорката на Јапонија, Кеико Ханеда и државниот секретар во Министерството за здравство,...
Објавено на 19 Јули 2019, 08.16 од Д.Чапевски
2019-07-19-07-18-28   Во киносалата во Делчево синоќа се одржа концерт на добро познатиот композитор и музичар од Делчево, Дејан Ѓеоргиевски- Ѕене и Елена Трајанова, одличен вокал и музички педагог. Ѕене е добро...
Објавено на 18 Јули 2019, 14.17 од Д.Чапевски
2019-07-18-13-18-22 Со средства од Програмата за  финансирање проекти за развој на подрачја со специфични развојни потреби за финансирање во 2019 година, Општина Делчево ќе ја заокружи изградбата на локалниот пат...
Објавено на 18 Јули 2019, 13.56 од Д.Чапевски
2019-07-18-12-58-37  Општина Делчево во соработка со Регионалниот центар за застапување од Делчево започна процес на изработка на стратешки документ за надворешна комуникација. На денешната работилница на која...
Објавено на 18 Јули 2019, 10.23 од Д.Чапевски
2019-07-18-09-25-37  Музиката од локалните бендови интерпретирана во рамките на првата вечер наменета за локални бендови и оркестри ги измами синоќа делчевци во центарот на градот. На сцената настапија „Универзал...
Објавено на 17 Јули 2019, 11.06 од Д.Чапевски
2019-07-17-10-07-57 Најдобрите 10 матуранти од делчевската гимназија денеска заминаа на патување низ Европа како награда за постигнатиот успех обезбедена од Општина Делчево. Наградените ученици од СОУ „Методи Митевски...
Објавено на 16 Јули 2019, 13.48 од Д.Чапевски
2019-07-16-12-49-28 Делчевци од денеска ќе можат бесплатно да склучуваат граѓански брак во новите простории во мултифункционалниот центар во Спомен-домот АСНОМ. Оваа Одлука ја донесоа делчевските советници на редовната 27...
Објавено на 16 Јули 2019, 12.08 од Д.Чапевски
2019-07-16-11-11-19   Општина Делчево деновиве интензивно работи на поставување хоризонтална и вертикална сигнализација на улиците во градот кои беа реконструирани претходниот период. Обележувањето и означувањето...
Објавено на 16 Јули 2019, 11.45 од Д.Чапевски
2019-07-16-10-47-09 Делчевци ќе имаат можност да уживаат во музиката интерпретирана од бендови кои работат во Делчево во рамките на двете музички вечери посветени на оркестри и музички групи, а со цел нивна...
Објавено на 12 Јули 2019, 10.12 од Д.Чапевски
a-a--------- Општина Делчево отвори сметкa на која ќе можат да се уплаќаат донации за доизградба на соборниот храм „Св.Кирил и Методиј“ во Делчево. Донации можат да уплаќаат и правни и физички лица.  Фирмите,...
Објавено на 11 Јули 2019, 14.01 од Д.Чапевски
2019-07-11-13-15-20   Со прочистување на земјените поатишта во атарот на селото Разловци започна годинешната активност за прочистување и порамнување на земјените коловози и  прочистиување на канавките за...
Објавено на 10 Јули 2019, 13.30 од Д.Чапевски
-11072017 Општина Делчево ги известува граѓаните дека на ден 11.07.2019 година (четврток), со почеток од 21 часот ќе врши теристичка (од земја) дезинсекција (прскање против комарци) на територијата на...
Објавено на 05 Јули 2019, 09.20 од Д.Чапевски
2019-07-05-08-22-40 Општина Делчево ги известува граѓаните дека на ден петок 05.07.2019 г. во 19:00 ч и сабота 06.07.2019г. во 19:00 ч ќе се врши обележување на дел од улица „Маршал Тито“ со хоризонатална и вертикална...
Објавено на 04 Јули 2019, 12.41 од Д.Чапевски
2019-07-04-11-47-51  Екипи на ЈПКД „Брегалница“ деновиве интензивно работат на изградба на нова дренажа со која ќе се обезбеди поголем доток на вода во водоснабдителниот систем во село Разловци. Со градежна и друга...
Објавено на 03 Јули 2019, 11.10 од Д.Чапевски
----------2019- Врз основа на член 11 од Правилникот за начинот, условите, критериумите и постапката за доделување на награди и признанија на Општина Делчево („Сл.гласник на Општина Делчево бр.1/2018), Комисијата за...
Објавено на 03 Јули 2019, 08.54 од Д.Чапевски
-26- 26. седница на Советот на Општина Делчево ќе се одржи на 08.07.2019 година (понеделник) во 14.30 часот во Мултифункционалниот центар во Делчево. Центарот е сместен на вториот кат од Спомен-домот АСНОМ...
Објавено на 02 Јули 2019, 10.29 од Д.Чапевски
2019-07-02-09-30-42 Деновиве ќе започне изградбата на улицата која ќе го поврзува новиот пешачки мост со детската градинка во Делчево. Согласно со проектот, улицата во централното градско подрачје позната како Станбената...
Објавено на 01 Јули 2019, 12.07 од Д.Чапевски
2019-07-01-11-08-35   Стручни екипи од ЈЗУ Центар за јавно здравје, Кочани, Пе Делчево, ЈПКД „Брегалница“ од Делчево и овластени лица од Одделението за инспекциски надзор при Општина Делчево денеска извршија...
Објавено на 01 Јули 2019, 08.17 од Д.Чапевски
-2019 Со промоција на дебитантскиот краток роман „Бдеењето над себе“ од младата делчевка Дијана Петрова што ќе се одржи вечерва со почеток во 19 часот во фоајето на Спомен-домот „АСНОМ“, започнува Делчевското...
Објавено на 01 Јули 2019, 08.12 од Д.Чапевски
2019-07-01-07-15-09 Советот на млади на Општина Делчево и ова летоќе организира ноќен турнир во баскет кој ќе се одржи кон во втората половина на овој месец. За таа цел, се повикуваат сите заинтересирани екипи да се...

Посетеност

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterДенес1649
mod_vvisit_counterВчера2377
mod_vvisit_counterОваа недела1649
mod_vvisit_counterПретходна недела15138
mod_vvisit_counterОвој месец39787
mod_vvisit_counterПретходен месец72580
mod_vvisit_counterВкупно2817362

Присутни online: 33
Ваша IP: 54.81.220.239
,
Денес: Јул 21, 2019