Од денеска започна реконструкција на улици во нас. Ново Делчево со вкупна должина од 1940 метри.
Со проектот се опфатени реконструкција на девет улици: Лика Чопова, Ленинова, Трст, Загребачка, Охридска, Осоговска, Пијанечка, 19 Октомври и Пиринска.
Средствата се обезбедени преку Министерство за транспорт со одлука за користење на средства за капитални дотации до ЕЛС за инфраструктурни проекти од областа на транспортот.
Вкупната вредност на проектот е 11.953.239 денари со вклучен ДДВ.
„Со реализацијата на овој проект населба Ново Делчево добива нов и модерен урбан лик . Претходно во оваа населба изградивме комплетно нова водоводна мрежа, го заменивме уличното осветлување со лед енергетско-ефикасни светилки и сега со реконструкција на улиците влијаеме на подобрување на квалитетот на живот на сите граѓани кои живеат во една од најатрактивните населби во градот“, изјави градоначалникот Трајковски.
Изведувач на работите е економскиот оператор ОСД Кирил од Скопје.
