Consecrated waters of the river Bregalnica in Delchevo

  • News

Васил Панчовски денеска беше најсреќен и највешт и успеа од триесетината момчиња кои се фрлија во студените води на река Брегалница, да го фати светиот крст при церемонијата за осветување на реката Брегалница.

Традиционално, градоначалникот на Општина Делчево, Горан Трајковски на среќниот фаќач на светиот крст му доделува парична награда во износ од 10.000 денари.

– Крштевањето, како една од повеќето свети тајни на христијанството, значи и духовно раѓање, односно почеток на човековото живеење во верата.  Oвој ден носи благородна порака на прочистување, оптимизам, надеж и верба во доброто, совршеното, чистото. Со симболичниот чин на фрлање на светиот крст, ние се потсетуваме на денот кога се крштеваше Исус Христос во реката Јордан, а чинот на осветување на водите на реката Брегалница е голем по значење, а уште поголема е традицијата која нѐ обединува во вербата и во желбите за бериќет и благосостојба. Упатувам честитки на нашиот сограѓанин кој успеа да го фати светиот крст од студените води на Брегалница и му посакувам да го следи среќа и него и неговото семејство, а да донесе среќа и бериќет на целиот наш град. Нека е за многу години, рече Трајковски.

Чинот на осветување на водите на реката по повод големиот христијански празник Богојавление го следеа илјадници верници во Делчево.

Инаку, по повод големиот христијански празник Водици, утрово во црквата „Успение на пресвета Богородица“ се одржа богојавленска литургија на која присуствуваа голем број верници, како и градоначалникот Горан Трајковски и претседателот на Советот на Општина Делчево, Драган Маневски, советници од Советот на Општина Делчево.
Со овој празник завршуваат не само дванаесетте т.н. некрстени денови, туку и циклусот зимски празнувања во кој спаѓаат уште и свеченостите поврзани со Бадник, Божик, Нова Година (Василица) и сл.

 

 

Shares

English Translation Disclaimer

The English translation of delcevo.gov.mk is provided by Google Neural Machine Translation to assist you in reading the content of the website. Google Translate cannot translate all types of documents, and may not provide an exact translation. Anyone relying on information obtained from Google Translate does so at his or her own risk. The Manucipatility of Delchevo does not make any promises, assurances, or guarantees as to the accuracy of the translations provided. The Manucipatility of Delchevo, its officers, employees, and / or agents shall not be liable for damages or losses of any kind arising out of, or in connection with, the use or performance of such information, including but not limited to, damages or losses caused by reliance upon the accuracy of any such information, or damages incurred from the viewing, distributing, or copying of such materials.

×