На Конференцијата на тема „Даночното однесување за подобра даночна одговорност“ што се одржа во рамките на Проектот за даночна одговорност кој го имплементираше Центарот за економски анализи, а кофинансиран од ЕУ, беа презентирани резултатите и предлозите за подобрена даночна одговорност на општините.
Во рамките на Конференцијата свое обраќање имаше градоначалникот на Општина Делчево, Горан Трајковски, кој истакна дека Delchevo, иако е релативно мала Општина, таа прави големи чекори на полето на транспарентноста максимално вложувајќи ги ресурсите, за да одговори во секој сегмент од транспарентноста и отчетноста, па во таа смисла и на даночната транспарентност.
– Вклученоста во овој проект ни помогна да ги увидеме слабостите и да бараме алатки и мерки за да работиме и да воведеме даночна транспарент која носи отчетност и гради доверба кај граѓаните. Тие, треба да знаат како Општина Делчево ги троши нивните пари and дали ги слуша нивните приоритети, рече Трајковски
Општина Делчево во изминатите две години имаше одлична соработка со ЦЕА преку Проектот за даночна одговорност. Општината како една од четирите пилот општини, во два наврати заедно со ЦЕА спроведе процес за увид во однесувањето на даночните обврзници кои нередовно ги подмируваат даночните обврски во нашата општина. Исто така беа одржани форуми со претставници од месните заедници при што се дефинираа приоритетите за развој на селата во Општина Делчево, а во насока на подготовките за креирање на Буџетот за наредната година.
