На 33 Седница на Советот на Општина Делчево со мнозинство гласови беа усвоени финансиските документи на Општина Делчево: Завршната сметка на Буџетот на Општина Делчево за 2023 година; Кварталниот извештај за период 01.01.2023 до 31.12.2023; Измената на Буџетски календар; Одлуката за измена на Одлуката за извршување на Буџетот на Општина Делчево за 2023 година и Годишниот извештај на Општина Делчево за 2023 година;
Согласно со Завршната сметка на Буџетот за 2023 година, од вкупно планираните приходи и приливи во Буџетот на Општината во износ од 352.121.715 ден. наплатени се 326.449.832 ден., односно 93% во вкупниот буџет или ако се анализира Основниот буџет, од вкупно планираните 126.845.582 денари, наплатени се 112.139.401 или изразено во проценти 88%. Од вкупно планираните расходи во Буџетот за 2023 година, во износ од 352.121.715 денари, во вкупниот буџет реализирани се 324.746.793 денари или 92%, додека во основниот буџет од планирани 126.845.582 денари реализирани се 111.730.367 денари односно 88%.
Во 2023 година реализирани се капитални расходи во износ од 46.777.144 ден., и тоа за: купување на Фолксваген Кеди –товарно возило; Изработка на новогодишни украси од железо; Изработка на новогодишни куќарки во градскиот парк; Обезбедување пристап до земјоделски патишта-Средни Бавчи; Поставување енергетско ефикасно осветлување во градскиот парк; Изградба на улици,тротоари и патеки на Градскиот зелен пазар; Изградба на потпорен ѕид на ул.„Острец“; Реконструкција на ул.„Острец“; Реконструкција на ул.„Ванчо Прќе“; Санација на дел од кров на Спомен– дом АСНОМ; Реконструкција влез, влезен хол и на мала сала со сцена и галерија во Спомен дом АСНОМ; Реконструкциј на локален пат Л14 Делчево –с.Стамер; Реконструкција на дел од ПОУ „Св.Климент Охридски“ во с. Тработивиште, крпење ударни дупки и сл.
За изградба на улици и патишта – 7.832.946 денари, Реконструкција на улици и патишта -7.656.818 ден, Подготвување проект за реконструкција на мост-141.600 ден, реконструкција на пречистителни станици и колектори-416.249, Подготвување проекти вклучувајќи дизајн на капацитети за водоснабдување-376.125 ден, Реконструкција на капацитети за водоснабдување-3.208.790; подготвување проекти вклучувајќи дизајн на други објекти-851.746 ден, изградба на други објекти-12.374.768, Реконструкција на други објекти 10.015.380 ден; Надомест за одземен имот-1.444.394 ден; отплата на главница во износ од 5.077.864 денари.
На 33 Седница, советниците ги донесоа годишните програми на Локалниот младински совет,
Програма за одбележување културни настани и манифестации за 2024 година, Програма за работа на Општинскиот совет за безбедност во сообраќајот.
Советниците ги усвоија и завршните сметки на локалните институции, „ООУ „Св.Климент Охридски“, ООУ „Ванчо Прке“, на ЈЛБ „Илинден“, ОЈУДГ „Весели цветови“, како и годишните програми за ученички екскурзии.
На почетокот на Седницата беше верификуван мандатот на новиот член на Советот, Иле Каранфиловски, кандидат од листата на СДСМ и Коалицијата „Најдоброто за мојата општина“.