Се изградија пристапни улици во три населби во Делчево со што се реши стар проблем на жителите кои со децении газеа кал и се дишеа прашина. Поради конфигурацијата на теренот и ширината на улиците, улиците се поплочени со бехатон плочки со вкупна површина од 300 м 2, а екипи на ЈКП „Брегалница“ деновиве ги завршија градежните работи за изградба на пристапни улици во населбата Расадник, Трети реон и пристапна улица во Први реон во Делчево.
Станува збор за пристапна улица на ул „Видео Смилевски-Бато“, пристапна улица кон ул. „Плачковица“ со потпорен ѕид и пристапна улица во Први реон. Пристапната улица во населбата Први реон ќе продолжи со поставување пропуст на ендекот и изградба на скали со што ќе се поврзат Први и Втори реон и ќе се олесни движењето на луѓето кои гравитираат на овој терен.
Инвестицијата е на Општина Делчево, а работите ги изведуваа екипи на ЈКП „Брегалница“.
