Во рамките на Програмата INTERREG VI-A IPA Бугарија – Северна Македонија 2021-2027, Приоритет 3: „Интегриран развој на прекуграничниот регион“, официјално започнува проектот „Интегрирани прекугранични туристички акции во Благоевградско-делчевскиот регион“ (CrossTourAct) кој ќе се реализира во соработка со Општина Делчево и Регионален центар за застапување од Македонска страна и Општина Благоевград и Алфатур од Бугарска страна.
Вкупната сума на проектот е 991.641,39 евра од кои 842.895,17 од Европската Унија, а остатокот е национално кофинансирање од 90.441,18 (Бугарија) и 58.305,04 (Северна Македонија).
Во рамки на проектот во Општина Делчево ќе се работи на регулацијата на коритото на реката Брегалница и ќе биде изграден скејт парк во рамки на градскиот парк.
Дополнително ќе има активности за градење капацитети и промоција на проектните активности. Проектот ќе се спроведува во период од две години.
Овој проект е меѓу одобрените осум проекти кои ќе работат на создавање атрактивен туристички производ достапен во сите сезони преку паметни решенија.
Овие проекти претставуваат прв конкретен чекор кон реализација на територијалната стратегија, карактеризирани со нивната интегрирана природа.
Тие ги обединуваат претставниците од различни социјални и економски сектори и поттикнуваат поблиска соработка помеѓу локалните власти, бизнисите и граѓанските организации од двете земји, овозможувајќи самите заедници да ги приоретизираат инвестициите кои најдобро одговараат на нивните специфични потреби. Проектите не само што ја нагласуваат соработката, туку и ги обединуваат напорите за поголема одржливост, иновации и конкурентност во регионот.