ООУ “Св. Климент Охридски”

До оваа учебна година во ООУ „Св. Климент Охридски“ не се вршеше електронски упис на децата во прво одделение, туку постапката за упис на деца се врши со праќање покана до адресата на живеење на детето или достава лично на родителот, според списокот добиен од надлежните служби во единицата за локална самоуправа и закажан термин за упис во просториите на училиштето. Постапката се вшри со тестирање на предзнаењата на децата од страна на комисијата за упис на деца во прво одделение, формирана од страна на директорот, интервју со родителот и прибирање на потребните податоци и документација за детето, согласно чл. 60, 61 и 63 од Законот за основно образование.

Наставата во ООУ „Св. Климент Охридски“ Делчево за сите ученици од прво до деветто одделение, во централното и подрачните училишта се одвива на македонски наставен јазик, во една смена од 08:00 до 13:25 часот, со вкупен број на ученици 509, од кои вкупно 259 машки и 250 женски. Во нашето училиште има 3 паралелки за ученици со посебни образовни потреби и тоа VII, VIII и IX одделение, во кои учат шест ученици. Во петте подрачни училишта учат вкупно 116 ученици од кои 65 машки и 51 женски.

Учениците редовно учествуваат во бројни натпревари, конкурси, изложби, базари, хуманитарни акции и други воннаставни активности, со што го зголемуваат своето знаење, вештини и умеења, а исто така го афирмираат училиштето во општината и пошироко.

Родителите се известуваат редовно за успехот на нивните деца, преку евидентните листови на тромесечие, полугодие и свидетелство за крај на учебна година, како и за време на редовните и вонредни родителски средби со наставниците и стручните соработници кога тоа е потребно.